Mynjur 21 ki shnong ka West Khasi Hills, ia ka Shnong hati khlaw

Shillong, 22 Naitung:
Ka jingthmu ka sorkar jylla ban pynlong shnong nejaka sah ki hati khlaw ha West Khasi Hills ka la jan long kam mynta hakaba ki don haduh 21 tylli ki shnong kiba la pdiang bad mynjur ban pynlong Eelephan Reserve Forest.
Haba iakren bad u Divisional Forest Officer (DFO) ka Khasi Hills Division, Bah WS Marngar u la iathuh ba kine ki 21 tylli ki shnongkiba la pdiang ia kane ka jing tyrwa ka sorkar hadien ba la iakreniapynshai bniah ban lait na ka jingsngew thuh bakla.
“Ha ka jingshisha, ha kaba nyngkong, ngi la thmu ban pynlong Eele phant Reserve haduh 1000 km ha West Khasi Hills ka thainNonghyllam, hynrei hadien bym ioh jaka bym treh ki paidbah, ka la shemjingeh bad mynta la ioh sa tang 205 km tangba kane ruh kam pat dei karai kaba kut bad na ka liang ka tnad Khlaw kan leit ban iakren bha badki briew katei ka thain shwa ban shim ia ka rai ba khadduh”, u la ong.
Kine ki 21 tylli ki shnong kiba la pdiang ban pynlong ElephantReserve Forest ki kynthup ia ka Sdaddkhar, Umwein, Pyndengshahlang,Nongshiliang, Nonglanglieh, Mawmarin, Mawlieh, Risynnam, Mawblong,Nonglangjew, Miangkain, Nongdkhar, Nongkusba, Umbi, Kujynrong,Nongsba, Nongpoh long, Nongwamiang, Mawbuit, Dohlieh, bad ka shnongNongthyrnang.
U Bah Marngar u la iathuh ba hadien ba la shim ia ka rai ba khadduh,ka sorkar kan sa phah pat sha ka sorkar ba kan leh ia kaba donkam.
U la iathuh ba ka ju don ka skhim ruh ia ki briew ki shnong kiba hapha ki jaka ba la pynbna kum ki Elephant Reserve Forest ha kaba ka sorkar ka ju ai jingiarap. Nalor ki don ruh ki jingiarap haba don kano kano ka jingpynjurlor ia ki jingthung jingtep jongki, ki jingri jingdup.