Mudui U Bah Latiplang ha kashari, halor ka AR

Shillong: U CEM barim ka Khasi Hills Autonomous District Council (KHADC) u Latiplang Kharkongor u ba dei u u nong ialam ka United Democratic Front (UDF) u la leit ban mudui sha ka ing bishar (High Court) ka jylla Meghalaya halor ka jing shah pynjari ‘Administrator Rule’ hapoh ka KHADC.

Kumba shu pynkyn maw u Lat ka Jylla u Tathagata Roy ha ka 7 tarik rymphang 2020 ula mynjur ban pyn jari da ka synshar ‘Administrator Rule’ ha Khasi District Council hadien ba ka sorkar Meghalaya ka iohi ia ka jing ia knieh bun paid hapdeng ka United Democratic Alliance (UDA) ba lam khmat da u Teinwell Dkhar bad ka UDF ba lam khmat da u Latiplang Kharkongor.
Na ka liang u Latiplang Kharkongor lyngba ka jing mudui hapoh ka ‘Meghalaya High Court’ u la pynpaw ia ka jing bym hun ia ka jing pynjari AR hapoh ka KHADC.
Na ka liang ka ing bishar ka jylla ka la pdiang ia ka jing mudui u Latiplang Kharkongor bad kan don ka jing iasaid ha ka 14 tarik rymphang 2020.