Mudui mukotduma u riewsaid ia U Xi, ba u pynphriang jingpang Corona

Uwei u riew said ain, U Sudheer Kumar Ojha, ula ujor ha ka kashari ha Patna pyrshah ia U President ka China, U Xi Jinping bad kumjuh ia u nongmihkhmat ka sorkar China sha India, U Sun Weidong, da kaba kynnoh ba kitei baroh arngut, ki don ia ka buit sniew ban pyn saphriang ia ka jingpang Corona ha kylleng ka pyrthei.

Ha katei ka mukotduma, la phah sha U Session Judge SDJM (West), ha kaba la buh sngi ban ia said ha ka 24tarik Lber 2020 bad utei u riewsaid, u kynnoh ba kitei ki arngut, ki don ia ka jingthmu ban pynduh jait ia u khun bynriew na kane ka pyrthei bad kumta, ki pyn saphriang da U coronavirus.

U Ojha, u kynnoh ba ka jingpang Corona, ka wan na China, na ka jylla Wuhan, ha u snem 2019 bad mynta ka la pyniap ia bun hajar ngut ki briew, kiba kynthup ia arngut na India.