Mudui ka KHADC, ia ka rai Rangbah Shnong ka High Court

Shillong, 4 Rymphang:
Ka Khasi District Council, ka la mudui ha Supreme Court ban pyrshah ia ka hukum jong ka Meghalaya High Court,  ha ka ba iadei bad ki Rangbah Shnong. Kat kum ka jing mudui, kaba number SLP(C) 3656 of 2016, ka iing shari ba heh duh ka India kan shong bishar ia katei ka mukotduma jong ka Khasi Hills Autonomous District Council ha ka 12tarik mynta u bnai jong u snem 2016. U Nongiasaid ain ba triem ka Supreme Court U Amit Kumar u long u nongiasaid na ka bynta ka KHADC ha Delhi.
Ha katei ka jingshong bishar, ka Sorkar Meghalaya, kan long kum kawei na ki nongshah ujor bad ka ban leit ban mihkhmat ha katei ka jing ia said.
Lah ban pynkynmaw ba ka Meghalaya High Court, ka la pynmih ia ka hukum ha ka 13tarik Kyllalyngkot 2016, ha kaba ka la bthah ia ka sorkar Jylla, ba kan thaw ain, na ka bynta ki Rangbah Shnong bad ba ka la rai ruh ban dang pynneh ia ka rai jongka, kaba rim, kaba dei bad ka jingbym ailad ia ki Rangbah Shnong ba kin trei kam ne ai syrnot sha ki nongshong shnong, kat haduh ba kan da don katei ka ain, kaba ka sorkar kan thaw thymmai bad kan da ioh ruh ia ka jingmynjur jong ka kashari.