Shillong:Ka Dhyan Foundation, kaba dei ka seng kaba na Delhi bad ka Tankala Naga Chandrani, kaba na Hyderabad bad kaba shong ba sah mynta ha Dhankheti, Shillong, ka la ujor pyrshah ia ka sorkar Meghalaya, ha kaba la lamkhmat da U Chief Secretary jong ka jylla bad katei ka mukotduma, ka dei halor ka jingleh bein ia ki mrad, katba kum ka ain jong ka sorkar India lane Prevention to cruelty to animals,1960 bad haba ka sorkar jylla, ka la thaw ia ki ain ban khanglad ia ka jingleh bein ia ki mrad, ha kaba shoh doh, da kaba la buh ia ki jaka ban ot doh ia ki mrad, nangta kaba kit ia ki mrad, kaba sumar bha ia ki snieh jongki, nangta ka jingbuh bha ia ka doh ha ka por ba die bad ka kashari, ka la lap ruh ba ka jingdonkam ia ka jaka buh ia ki mrad kiba la ioh kem na ki khappud jong ka jylla bad ki nongmudui, ki kwah ruh ba ka kashari, ka dei ban da ai hukum, ha kaba die pateng ia kitei ki mrad kiba la ioh kem ban shalan shabar ri. Halor kane ka mat, na ka liang jong u nongshah mudui, ula kren shai, ba haba la die ia ki mrad, kumta un nym lah ban wad jingtip shaphang ki jingshisha, kiba iadei bad u nongthied.
Ka kashari, kaba shong mynta ka sngi, kam shym la shim shuh ia kiwei pat ki rai, hynrei, ka bthah ia ka sorkar jylla, ba kan pyntreikam shai, ia ka hukum, kaba la pynmih ha ka 26tarik Jymmang 2023 bad ba ki nongthied pateng ia kitei ki masi, ki dei ban bud bha ia ki kyndon, kiba la buh da ka ain jong ka sorkar jylla.
Phi don ban ong eiei?