Shillong:Ka Shillong Lajong FC kaba la hiar halor ka jingioh thep goal ka la poi pat sha ka jingjop da 3-1 ha ka jingiakhun pyrshah bad ka Rangdajied United ha ka kwatar phainal ba nyngkong jong ka Meghalaya State League 2024 ba la lehkai ha Wahiajer Sport Complex mynhynnin ka sngi ban long ka kynhun ba nyngkong ban poi sha ka semi phainal.
Ka jingmih na katei ka jingialehkai ka long ba ka Rangdajied ka la shah weng noh na katei ka jingiakhun, haba ka khlem lah pynneh shuh kum ka nam lahduh bad ym pat ju don ka kynhun kaba la ioh ban bteng jingjop arsien ha ka jingialehkai MSL.
U Ieitlang Syiemlieh (4’) uba la ioh ban thep ia ka goal ba nyngkong na ka Rangdajied ha shuwa ba u Iohborlang L Lyngkhoi uba la thep ha ki (7’P, 62’) uba la thep ia ka goal lajong bad la pynphai da u Manbhakupar Iawphniang jong ka RUFC ha ki (87’).
Kane ka dei ka sien basaw jong ka jingiakynduh lang hapdeng ka kynhun kaba dei na Shillong ha ka MSL bad mynta ka la dei ka Lajong kaba la tam shakhmat da 3-1 ha ka lang ka jinglah jong na na baroh ki liang. U Iohborlang u la shah jied Player of the Match bad ioh pdiang ia kane ka khusnam na u MLA ka Jowai, u Wailadmiki Shylla.
Sa ar tylli ki kwatar phainal ban sa iakhun yn pynlong baroh ar tylli ha ka sngi saitjain. Ha Jaintia Hills ka jaka ha Derby jong ka Sutnga, (East Jaintia Hills) bad ha Ladthadlaboh (West Jaintia Hills) kin sa iakynduh lang ha madan Diengshynrum Artificial Turf kaba don ha Khliehriat.
Kine ar tylli ki club kim pat ju iakynduh mynshuwa ha ka jingialehkai MSL. Ha Shillong, ha ka SSA Stadium, Mawlai bad Khliehmawlieh kin sa don bynta lang ha ki jingialehkai simi phainal ban sa pynlong biang jong ka MSL.
Ka khliehmawlieh ka la ioh ban pynliem ia ka Mawlai ha u snem ba la dep halor ar tylli ki legs hynrei ka la shah knieh noh ia ka nam jingjop jong ka ha ka jingialehkai bad ka Rangdajied.Baroh artylli ki jingialehkai yn pynlong ha ka por 1baje nohphai sngi.
Phi don ban ong eiei?