Moramot nar ding ka MeECL ha Bakur

Shillong, 02 Naiwieng:
Ka War Jaintia Youth Council (WJYC) Amlarem ka sngew dei ban ai jingiaroh ia u EE MeECL Jowai ban dawa moramot bad pynieng thymmai iaki nar ding ba la jan ur ha shnong Bakur.
U Bah Raswai u EE ka MeECL u la shim khia kloi bad u la phah iaki briew ka ophis mynta ban hiar sha Bakur ban leh ia kaba don kam. Ha kaba iadei bad ka jingpynlip ding ba ju pynlip 7 baje janmiet, ka seng ka kyrpad ia ka ophis ban pynkylla noh sha ka 11.30 baje mynmiet shaneng khnang ba kan nym thud iaki khynnah skul ba pynkhreh iaka eksamim jongki.
Ka WJYC ka dawa ruh ban pynioh transformer kloi iaka Amlatdoh Amlarem kaba la duh ding la 8 bnai tam watla kane ka shnong ba don ha sub-division kala pynduh nong iaki paidbah ba wan don kam bad iaki khynnah pule.
Ka seng ka kyrpad iaka ophis ban shim khia ban pynioh ding kloi, la ong u Bah Daniel Khongsitu president ka WJYC bad u BahLasting Lamin Gadew u secy.