Mong lut ka khlieh jong kawei ka thei samla, naba leit ai rong shniuh

Katno ka long kaba i sangsot ia kawei ka briew, kaba la mong lut ka khlieh jongka, tang na ka daw, ba ka leit ai rong shniuh ialade. Katei ka dei ka samla, kaba 21 snem ka rta, kaba na  Seoul, South Korea, ha kaba ka la leit sha kawei ka saloon, na ka bynta ban ai rong itynnad ia u shniuh jongka, hynrei la iathuh ba ha ka jaka, ban pynkylla rong ia u shniuh jongka, ka la mih pynban ka jingmong ha ka khlieh jongka baroh kawei.

Nangta, ka sdang sa ka jinghap shniuh na ka khlieh jongka. Ki doktor, ki iathuh ba katei ka briew, ka la shah ktah ha ka  persulfates bad ka hydrogen peroxide, kiba dei ar jait ki dawa kiba ki ju pyndonkam ban ai rong shniuh.