Modi, sngewbha pynshai iangi, ba kam don ka jing iasngewthuh jingmut bad ka Mamata, ong U Lat barim ka Meghalaya

Mynta ka janmiet, ka Mamata Banerjee, myntri rangbah ka West Bengal, ka iakynduh ia U Narendra Modi, myntri rangbahduh ka Ri bad ha shwa kata, U Tathagata Roy, U Lat barim ka Meghalaya, uba dei u nongialam jong ka seng BJP, ula thoh ha ka peij jongu, ha ka twitter, ha kaba ula kylli ia U Modi, ba un pynshai ia u paidlang jong ka Ri, ba kam don ka jing ia sngewthuh jingmut kaba sop sop, hapdeng jongu bad ka Mamata Banerjee.

“Ka Kolkata ka don ka jingsngewthuh ba ka don ka jing ia sngewthuh jingmut, kaba mut, ba ka don ka jing iasngewthuh jingmut hapdeng U Modi bad ka Mamata, ha kaba ki nongtuh lane ki nong pyniap briew jong ka seng Trinamool lane ka seng BJP, kin lait na kaba shah pynshitom. Sngewbha batai iangi, ba kam don kaba kum katei ka jing ia sngewthuh jingmut @narendramodi @PMOIndia,” thoh U Roy, ha ka tweet jongu.

Ka Mamata Banerjee, ka pyndonkam ia katei ka jingialang bad U Narendra Modi, myntri rangbah duh, ban ai ia ka khubor bad ka jing iasngewthuh jingmut, ka don, ong U Dilip Ghosh, nongialam ka BJP.

“Ka Mamata Banerjee, ka pyndonkam ia kane ka jing ia kynduh ban pyni, ba ka la don ka jing ia sngewthuh jingmut bad ka sorkar India, ka dei ban shai bha ia kata” ong U Ghosh.