Shillong: Ki dkhot ka Meghalaya Pradesh Congress Committee (MPCC) ki la pynlong ia ka jing iaid pyrshah ia ka sorkar u Narendra Modi bad leit tur sha ophis ka CBI, ha Shillong, ha kaba ki la kynnoh ba ka la shu weng beain ia u Director ka Central Bureau of Investigation (CBI) u Alok Verma.
Ki la pyrta, ‘Modi Hai Hai, BJP hai hai, NDA hai hai.
‘Sangeh ban pynkylla kompeni shimet ia ka CBI’.
Ki la iaroh ia u Rahul, Sonia da kaba pyrta, ‘Rahul Gandhi, Sonia Gandhi, jindabad’.
Ki la dawa ban tohkit ia ka kynnoh bamsap halor ka jingthied ia ki liengsuin iapom na ka kompeni Rafale kaba na France.
