Shillong: U Pynshrain Miki Rabon, uwei pat u samla uba sdang paw ha ka kam ialehkai Kickboxing uba dei na Shangpung Pohshnong u la ioh ban leit iakynduh ia u union Sports Minister u Kiren Rijiju shuwa ba un leit mih khmat ia ka ri bad 13 ngut kiwei pat ki dkhot jong ka WAKO India Kickboxing Federation hapoh ka jingialam jong u Santosh K. Agarwal, President ka WAKO India Kickboxing Federation sha ka lympung jong ka WAKO World Senior Kickboxing Championship 2019 ka ba long ha Sarajevo, Bosnia and Herzegovina naduh ka 19 – 27 mynta u bnai.
Ka Meghalaya State Kickboxing Association ka pynpaw ruh ka jingsngewsarong bad kitbok ia utei u samla, u Pynshrain uba la dei ruh u National Gold Medalist la 3sien bad ruh u Gold Medal ha ka Nepal Open Kickboxing Championship 2019 ha ka weight category jong kiba hapoh 67 Kgs Low Kick Event jong ka Kickboxing.
Ka Kickboxing ka dei ka jait jingialehkai ba la ioh jingithuh na ka International Olympic Committee.
Phi don ban ong eiei?