Mih U Tarzan ha Iew mawlong

Shillong, 17 Nohprah:
Kyndit kyndit ha ka por 12 baje eiei shiteng sngi mynta ka sngi la wan mih u Tarzan ha Them iew Mawlong. U dei u briew (bar jylla) uba la riam ialade thik kum u Tarzan uba shu da tang da ka sla ia ka jinglong shynrang jong u, u teh ia u shñiuh kum u Tarzan hapoh phlim, nangta u la iaid surok surok naduh Them Iewmawlong ter ter sha Anjalee ryngkat ka pyrta kum u Tarzan (u kah shiliang kti ia ka shyntur kumba ju leh u Tarzan ha Phlim), kumne u la leh naduh them iew mawlong bad hadien kumba shi phew kam eiei u la ieng biang ban pyrta kumta ban phai ka khmied ka khmat sha bneng. Tang mar ia iohi ia utei u Tarzan u nongthohkhubor u la hiar wut wut na ka kali kaba iaid ban leit shondur bad u la beh nadien nadien jong u hynrei kynsan kynsan haba la poi haneng jong ka Anjalee utei u Tarzan u la jah noh jlang bad la ia bakla lynti bad une u nongthohkhubor (ia ka dur ym shym la ioh shon shuh).