Shillong:Ka All Meghalaya Adhoc Lower Primary School Association (AMALPSA) ka la wan ban pynpaw ba ka don ka jingiapher halor ka jingdon jong ki Adhoc Lower Primary skul ha ka jylla hi baroh kawei ha kaba ki skul Adhoc ki don tang 558, tylli hynrei ka sorkar ka pynpaw haduh 1225 tylli ki skul Adhoc lower primary.
Ha ka jingiakren bad ki lad pathai khubor, myn hynnin ka sngi na ka liang jong ki nongialam jong ka AMALPSA ki la pynpaw ba katkum ka jingwad jingtip jong ki na ka ophis jong ka Directorate of School Education and Literacy (DSEL) la ioh jingtip bad ki don tang 558 tylli ki skul Adhoc Lower Primary ha ka jylla, hynrei ha ka jingpynbna jong ka sorkar ha ka 19 tarik u Jylliew 2017 la pynpaw ba ki don haduh 1225 tylli ki skul adhoc lower primary ha ka jylla.
Halor ba la pynpaw ha kane ka jingpynbna na ka sorkar ba 1225 tylli ki skul Adhoc lower primary haduh 667 tylli ki mih tam ki skul adhoc ha ka jylla hi baroh kawei. Ha kaba na ka liang jong ka AMALPSA ka buh ka jingkylli ia ka sorkar ba naei bad kumno kitei ki 667 tylli ki skul ki mih bad hangno ki don namar katkum ka jingkhein ba la ioh na ka DSEL ka long tang 558 tylli ki skul Adhoc ki don.
“Ngi buh ia ka jingkylli ha khmat jong ka sorkar ba katkum ka list ba ngi ioh na ka sorkar hi lyngba ka ophis jong u director ka DSEL ha kaba ki list jong ki adhoc LP skul ki don 558 tylli ki skul ha ka jylla, hynrei kaba pynlyngngoh ka long ba katkum ka jingpynbna jong ka sorkar ha ka 19 tarik u Jylliew 2017 ba ki adhoc LP skul ki don haduh 1225 tylli, te ka jingkylli jong ki ka long ba kiei kine ki 667 tylli ki skul haba katkum ka list kaba ioh na DSEL ka long 558 katba katkum ka jingpynbna jong ka sorkar (notification) ki long 1225 tylli te ngi kwah ban pan jingshai ba kiei kine ki skul kiba tam na ka 558”, ong u nongialam jong ka AMALPSA u Bah R.S Khardewsaw. Ula ong ruh ba ka seng kala pyrshang ban bud dien balei ba iapher ka jingdon jong ki skul katkum ka list na ka DSEL bad ka jingpynbna jong ka sorkar hynrei na ka liang jong ka DSEL ruh ka la pynpaw ba kam don jingtip eiei halor ki ne ki skkul ki ba mih tam.
Kum ka seng ruh kam shem la don jingtip eiei halor ka jingmih jong kitei ki 667 tylli ki skul ha kaba ki la iakren ruh bad u Joint Director, hynrei na ka liang jong u ruh um shem la lah ban ai ka jingtip kaba bniah. Ki nongialam jong ka AMALPSA ki la iathuh ba ki skul adhoc ki dei beit tang kine ki 558 hynrei ia kitei ki 667 tylli ki skul ba mih tam ha ka jingkein jong ka sorkar kim don jingtip eiei ha kaba wat na ka liang jong u Joint Director ruh um lah ban ai ka jubab kaba biang.
Let bein palat ka sorkar ia ki nonghikai da kaba siw tulop Tang 12000 shibnai ia ki LP adhoc bad fourth teacher.shaei ka lawei jongki .Kim ioh jingkyrshan na ki MLA bn iasaid na ka bynta jong ki
Hooid kein ka sorkar ka la lehbein sha ba palat ia ngi ki nonghikai adhoc Lp Rs 12000/ tyngka shi bnai tang bam ruh ym dap bam ha kum kane ka por ba ki tiar ki tar ruh ki la rem ban pyndap ha iing la jynjar. La leh shiliang khmat bad leh meinah palat ia ngi nonghikai adhoc. Ka sorkar ka la dei ban peit lem ia kane ka jing eh ba ngi ia kynduh namar ka jing trei ka long hi kumjuh bad kiwei kiwei ki para nonghikai kiba ioh biang ka jing siew.