Mih surok ki khynnah skul bad paidbah, ban dawa pynshitom ia u briew ba shah kynnoh nongbatbor

Nongpoh: Ban pynpaw ia ka jingpyrshah kaba jur eh ia uwei u rangbah, uba la shah kynnoh ba u donkti ha kaba thmu batbor ia la ka jong ka khun kaba dang 11 snem ka rta, hynnin ka sngi ki khynnah skul, ha ryngkat ki paidbah na kawei ka shnong ha Ri Bhoi, ki la iamih paidbah ban dawa pynshitom ia utei u briew.

Ha katei ka sngi, kaba kitei ki khynnah skul lem bad ki paidbah ki la iamih paidbah, la synranglang da ki dkhot ka Hynniewtrep Youth Council (HYC), ha kaba ki la pynlong ia ka jingiaiaid paidbah, ha ryngkat ki jingpyrta shla ban pynren ia utei u briew. Nalor ka jingiaiaid paidbah, kitei ki khynnah skul lem bad ki riew paidbah, la iohi ba ki la rah ia ki plakad, kiba don ia ki jingthoh ban pynrem ia utei u runar, uba la thmu ban batbor ia la ka jong ka khun. Ka jingdawa kaba la mih na kitei na kitei ki khynnah skul, ki paidbah lem bad ki HYC, ki la dawa na ka ain ba ka dei ban ai ia ka jingpynsaja da kaba phasi ne ban set ia u shirta jingim.