Nongpoh: U CEM barim ka Khasi Hills Autonomous District Council (KHADC), u Bah Rangkynsai R. Makdoh bad uba dei ruh uwei na ki nongkyrshan ka Party National People’s Party (NPP), mynta ka sngi u la pynbna ialade ba u la mih noh na ka jinglong kum u dkhot ha ka Party NPP.
Haba iadei bad katei ka jingmih noh na ka jinglong kum u dkhot hapoh ka Party, u Bah Rangkynsai R. Makdoh, u la leit ban aiti syndon da ka shithi iehnoh ka jinglong kum u dkhot ka NPP sha u Bah Clement Mawlong, uba dei u President ka NPP ha Ri Bhoi Distrik.
Hadien katei ka jingmih noh na ka NPP, u Bah Rangkynsai R, Makdoh, um pat kren shai ba sha kano ka Party ba un leit pyniasoh, hynrei u la shu aiksai ba u kham noh mynsiem sha ki Party riewlum kiba don hapoh ka jylla bad halor kata, u la ong ba un sa pynbna paidbah ha kine ki khyndiat sngi ki ban wan.
Phi don ban ong eiei?