U Anu Malik, uba dei uwei na ki nongthaw jingrwai, uba la shah kynnoh, ba u leh jrong kti ia shibun ki kynthei, ula mih noh na ka jinglong nongbishar ha ka Indian Idol 10.
U Anu Malik, ula dei uwei na ki nongbishar jong katei ka jingiakob, naduh kaba sdang ha u snem 2004. Ka jingpyntip na ka Sony TV, ka iathuh ba kan ia wer ia shibun kiwei pat ki nongrwai ba khraw, ba kin wan shim bynta ban iarap lem ha ka kam bishar, ha ryngkat U Vishal Dadlani bad ka Neha Kakkar.
Ka Shweta Pandit, ka kynnoh ia utei u nongrwai uba 57 snem ka rta, ba ula leh shait ia ka bad nalor jongka, ki la don sa arngut kiwei pat kiba kynnoh pyrshah ia U Malik.