Mih noh, kiba nabar 12 Shnong:KSU

Shillong, 19 Jylliew:
Hadien ka jingshah pyniap jong ka kong (L) Kyndiang Dohling na Maw thawtieng, sa kawei pat ka jingshah pyniap dusmon jong u samla Dondur Sha bong kaba dang shu jia shen ha kine ki khyndiat sngi ba la dep bad kine ki jingjia ki la pyntieng pynsmiej, pynrit mynsiem bad pynsuhjer suh khriat lut ia baroh ki nongshongshnong jong ka thain, kat haduh ba ki briew kim donshuh ka jingsngewshngain ban iaid ban ieng ban leit trei leit ktah sha ki bri ki bsah khamtam eh ia ki kynthei khynnah.
Halor kitei ki jingjia ka KSU Khatarshnong Circle, kawei na ki seng ka ba peit ia ka bha ka miat jong ka thain hi baroh kawei, ha ka Executive ba kyrkieh jongka, ka la shim ia ka rai ba baroh ki nongbylla kynthei ne shynrang ki bym dei napoh ka thain Khatarshnong ba ki dei ban mih noh shuwa mynta shipor napoh ki shnong ki thaw kiba hap hapoh kane ka thain. Kumjuh ruh ka seng ka la mana ia kito ki briew ki ba leit ban tyrwa tiar,die jingdie kumjuh ruh kiba leit thied tiar jot hapoh ki shnong kiba hap hapoh ka thain ba kin sangeh shuwa mynta shipor ia kane ka kam jongki. Ka seng kala ai por shi taiew ia baroh kiba nabar jong ka thain Khatarshnong ba kin mih noh naduh ba la pynmih ia kane ka khubor tad haduh ban da pynbna da kumwei pat. Ka seng kan shah ia kito ki ba nabar jong ka Thain tang ha ka sngi Iew Khrang bad la khang pyrshah ba kim bit ban sahmiet ha ki shnong ki thaw ne ha kino kino ki jaka kiba hap hapoh ka Thain Kharshnong. Kane ka long katkum ka jingpyllait khubor na u samla BS Phanbuh, President ka KSU Khatarshnong Circle.