Mih lut ki maw ki shyiap shabar ha surok Mawroh

Shillong, 11 lyngkot:
Ka Seng FKJGP (Mawroh Unit) ka kyntu jur ia ka tnad PWD ba kan bthah ia u Contractor uba trei ia ka jing maramot surok hapoh ka shnong Mawroh khamtam ka lynti kaba sam shapoh NEHU ba ka la long kaba la sniew shaba palat ha kaba ki maw bad ki shyiap kiba la dep ban siang ha ki thliew kiba heh baheh jong ka Surok ki la mih lut shabar bad kane ka buh jingma ruh ia ki paid nong shong shnong bad ki kali kiba iaid khamtam ia ki kali Ar-shaka ha kaba bun na ki ki la mynsaw ha ka jingpynwit jong kine ki maw bad ka jingbtuit jong u shyiap siang.
Ka Seng ka kyntu ia u kontraktor, uba pyntrei ha katei ka jaka ba un pyndep noh kham kloi ia kane ka surok khnang ba kan wanrah ia ka jingshngain ia ki nongleit nongwan kiba iaid na kato ka surok bad ka Seng ka kyrmen hi ruh ba ka P.W.D kumba ka la kular kan pyndep ban shna ia ki Speed Breaker ha ki lynti shnong.