Shillong: Ki rang ialehkai ka Shillong Lajong U-18 ki la mih na ka nongbah myn hynnin ka sngi ban leit iashim bynta ha ka lumpung Hero Elite League Play-Offs kaban long ha Goa.
Ki rang ialehkai ka Lajong ki la mihkhmat na ka zonal round hadien ba ka la wan baar jong ka Hero Elite League (Shillong-Guwahati Zone) da kaba kamai 18 point katba ka SAI Guwahati ka la wan ba nyngkong da kaba kamai 21 point. Kane ka zonal round ka la dep long naduh u Risaw- Nohprah 2018 ha Shillong bad ha Guwahati.
Ka Shillong Lajong Junior ka la don ha ka Group II ha kaba ka don lang bad ka Aizawl FC kiban iakhun ha ka 16 tarik ha madan Navelim. Hadien kane, ka Lajong kan iakhun ia ka Jamshedpur FC ha ka 18-01-2019, ia ka Kerala Blaster FC ha ka 22-01-2019 bad ia ka Raman Vijayan Soccer School ha ka 24-01-2019.
Ki Kyrteng Jong Ki Nongialehkai Ka Lajong Junior Ki Long Freestar Kharbangar Meghalaya, Thongram Santosh Singh Manipur, Donboklang Lyngdoh Meghalaya, Rajat Paul Lyngdoh Meghalaya , Apborlang Kurbah Meghalaya, Baiaikara Swer Meghalaya, Kitboklang Khyriem Meghalaya, Bishal Lama Sikkim, Muhammed Safique Ahmed Manipur, Naoroibam Romen Singh Manipur, Habymmutshuh Nongrum Meghalaya, C. Vanlalhriata Mizoram, Denzil Gorby Warjri Meghalaya, Aman Ahlawat Haryana, Solomon Mangte Manipur, Batskhemlang Thangkhiew Meghalaya, Aenam Graffenberg Jyrwa Meghalaya, Remark Kharmalki Meghalaya, Parvaj Bhuiya Tripura, Maxderidoff Wahlang Meghalaya.
Ia kane ka kynhun yn ialam da u coach u bah Bobby Nongbet bad u Assistant Coach u Bah Aibok Kharpran nalor u Team Manager u Bah Milan Nongkhlaw, Physio Bah Vicky N Syiem.