Mih ki nongialehkai Athletic ka jylla sha ka Khelo India ha Guwahati

Shillong: Ka kynhun ialeh kai Athletics na ka jylla ka la mih na ka nongbah ban leit iashim bynta ha ka 3rd Khelo India Youth Games kaba sdang naduh mynta ka sngi Thohdieng ha Guwahati, Assam.

Ia kane ka kynhun la ialam da ka coach ka Kong Daisy Marweiñ ha kaba ki la mih na ka nongbah ha ka sngi Palei bad iashim bynta pat naduh 11 haduh 14 tarik mynta u bnai ha Sarusajai Sports Complex.

Ki kyrteng ki nong ialehkai U- 21 ki kynthup ia u Marso Kyndait (1500 Mts), Ribet Dkhar (1500 Mts), Lobrian Taro (High Jump) & Gloryfy Kurbah ( 800 Mts). Ha ka liang ki khynnah Under- 17 ki kynthup ia u Skhemlang Suba (1500 Mts), Primus Ronghi (High Jump), Ladin Penang (High Jump), Rinalis Ingti (High jump) bad ka Anjelina J. Jackson ( 400 Mts).
Ka jylla kan iashim bynta ha ki san jait jingialehkai kiba kynthup ia ka Football, Athletics, Boxing, Judo bad Shooting. Na ka liang ka tnat ialehkai ka Sorkar Jylla ka la pynbna ia ki kyrteng ki nongialehkai ha ka Football (U- 21) ki kynthup ia u Banmanroy Nongsiej (Captain), Overkindness L. Mawnai, Defence Nongtdu, Mediphrangki Pohleng, Banteilang Lyngdoh, Rickyson Makdoh, Arnesius Marwein, Hamboy Lyngdoh, Iakmenlang O. Khongjee, Banteilang Pariat, Wilbert D. Marbaniang, Badonkupar Marbaniang, Eric Nongkhlaw, Baiaikara Swer, Rijiedskhem Sun, Oresterwell Langshiang, George V. Lyngdoh bad u Russel C. Nongkynrih.
Bah Lekini Suting (Coach) bad u Bah Beneslaus Khyriem (Manager).
Ha ka Boxing ki long ka Monalisa Vishlux ( U- 17), Shreena Thapa (U- 17), Sonia Tamang (U- 17), Mrinali Iswarary ( U- 17), Arthur Cornelli N. Khongmawloh (U- 21) bad u Shanborlang Marbaniang (U- 21). Kong Mercia Mary Dohling ( Coach) bad Bah Daniel Marbaniang (Manager).Ha ka Shooting yn mihkhmat da u Dennyson Kyrsian ( U- 21) bad ka Shirley Mary Kharbuli (U- 17), Bah Neil Sooting (Manager). Ha ka Judo yn mihkhmat da u Sebastian Jasain ( U- 21) bad Deepak Malick (Coach).
Ka Sorkar Jylla ka la thung ia u Deputy Director u Jibonsing R. Marak kum u Chef- de- Mission bad u Bah Khlaiñ Pyrkhat Syiemlieh (Football Coach) kum u Sports Manager.
Ki 1000 ngut ki nongialehkai kin ioh ruh ia ka baibam kaba T. 5 lak na ka bynta ban shah pyntbit ba kin ioh pat ban iashim bynta ha ki lympung ialehkai shabar ri kum ka Asian Games, Commonwealth Games bad ka Olympics.