Mih ki nongialam bad dkhot jong 8 ki Circle bad 2 ki Unit FKJGP

Nongpoh, 20 Nohprah:
Namar ka jingbym sngewhun halor ka jing-pynthymmai nongkitkam ka Federation of Khasi Jaintia & Garo People, ha Ri Bhoi District bad ha kajuh ka por ban pynpaw ia ka jingpyrshah kaba jur halor ka jingweng kynsan da ka FKJGP, Sengkmie ia ki nongialam barim ka FKJGP ha Ri Bhoi, khlem da wad ia ka daw tynrai bad halor kane ka nongrim mynta ka sngi ki nongialam barim ka FKJGP ha ryngkat bad ki dkhot jong ki 8 tylli ki Circle bad 2 tylli ki Unit, ki la rai ban iehnoh syndon ia ka FKJGP ha Ri Bhoi District.
Kane ka la paw pyrthei, hadien ba kitei ki nongialam barim ka FKJGP na ki Circle bad Unit bapher bapher kiba don hapoh ka Distrik, ha kaba ki la pynlong ia ka jingialang ba kyrkieh ha Umsning Auditorium Hall bad ha kane ka jingialang ki la shim ia ka rai paidbah ban mih noh na ka FKJGP.
Kitei ki 8 tylli ki Circle bad 2 ki Unit, kiba la rai ban mih noh na ka FKJGP, ki kynthup ia ka Nongpoh Circle, Umsing Circle, Raid Madan Kyrdem Circle, Umbir Circle, Upper Khri Circle, Mawrong Circle, Syngku Circle, katba ki 2 Unit kii kynthup ia ka Mawrong Unit bad Syngku Unit.
Hadien kane ka jingialang, na ka liang u Bah P.B Makdoh uba dei ruh u President barim ka Nongpoh Circle bad u Bah Diomos Syiem President barim ka Umsning Circle, ki la ong ba ka daw hi kaba pynlong ia ki ba kin hap ban shim ia ka rai ban iehnoh ba kin long kum kita ki nongialam ne dkhot, ka dei hadien ba ka FKJGP, Sengkmie, ka la weng kynsan ia ki nongialam barim hapoh ka jingialam u Bah Eddie G. Kharbani kum u President, khlem da pynlong ia ka jingiasyllok ne ban pyntip sha ki Circle bad Unit bapher bapher.
Ki la ong ruh, ha ka jingshisha kim shem la don kano kano ka jingpyrshah ia ka seng, hynrei kum ki nongialam ha ki Circle bad Unit, ngim lah pat khlem da pynpaw ia ka jingsngewkhia ban iohi ia kaei kaba la leh da ka FKJGP, Sengkmie, ha kaba kane ka jingweng ba kynsan kynsan da ka Sengkmie, khlem da pyntip sha ki nongialam ha ki Circle bad Unit, ka pynpaw ba ki kwah ban shu leh donbor khlem ka jingiasyllok.
Kumba ngi la dep ban shim ia ka rai ban mih noh ia ka seng bad kumta nangne shakhmat ngim nym don bynta ei ei shuh ban long kum ki nongialam ne dkhot bad ka FKJGP, ki la bynrap