Da ki million ngut ki nongtrei karkhana bapher, ki la sdang ia ka jingiakhih kaba 48 kynta mynta ka sngi ban pyrshah ia kane ka sorkar BJP, ha kaba la shim ba ka dei ka jingiakhih kaba long halor ka jing bym suidniew jong ka sorkar India ia ki nongtrei karkhana bapher bad ka jingmih sa ka jingduh kam ia kiba bun bah.
Kitei ki seng bapher, ki khang lynti ia ki rel ha Howrah jong ka West Bengal bad ha Guwahati jong ka Jylla Assam, ha kaba ki dawa ia ka jingsiew kaba iahap dor na ka bynta jongki bad kiwei de ki lad jingiarap kiba biang.
Ha Odisha, ki nongtrei karkhana ki khang ia ki nongleit nongwan ha ka nongbah Bhubaneswar.
Ki don shiphew tylli ki seng jong ki nongbylla bad ki nongtrei karkhana, kiba shim bynta bad kitei ki long ka Indian National Trade Union Congress (INTUC), All India Trade Union Congress (AITUC), Hind Mazdoor Sabha (HMS), Centre of Indian Trade Unions (CITU), ka Communist Party of India (Marxist) bad ka All India United Trade Union Centre (AIUTUC).
Ka jingiakhih kan ktah ruh naduh mynta ka sngi ia ki Bank, namar ba ka All India Bank Employees Association (AIBEA) bad ka Bank Employees Association (AIBEA) bad ka Bank Employees Federation of India, ki la sdang ban pynlong ia ka jingiakhih kaba ar sngi kynthih.