Mih ki longkmie ban pyrshah CAA bad dawa ILP

Shillong: Kum shi bynta ban pynpaw ia ka dak ban pynpaw ia ka jingpyrshah Citizenship Amendment Act 2019 mynta ka sngi ki long kmie jong ka jylla ki la pynlong ia ka jingialang paidbah hajan ka YMCA Mawkhar ha kaba u paidbah u la wan ban ia shim bynta ha kane ka jingialang paidbah.

Ha ka jingkren ha ka ne ka sngi ka kong D Tongper president jong ka seng STIEH, kala kynnoh ha kane ka jingialang paidbah da kaba ong “Dei tang ka Ri India kaba la pynshitom bein ia ki trai shnong na ka bynta ki bar Ri, ka Ri India kadei ka ri kaba lehbein ia ki nongshong shnong tang ban pynsngewbha ia kiba na bar,katkum ka CAA, 2019 ka long ban ai jingiada ia kito kiba la shah leh bein ha Bangladesh, Pakistan, Afghanistan, hato ka sorkar ka lah ne em ban ai ia ka jingkhein haduh katno kila shah leh bein ha kitei ki ri. Lada ka lah ban ai ka long ban ia nujor ia ka jingshah leh bein jong ki bad ka jingshah ban bein ki rit paid ha kane ka Ri India, lane kane ka jingleh ka long ban pynkylla ia ka Ri India kawei ka Ri, kawei ka jaidbynriew,Ka sorkar pdeng ka dei ban burom ia ki rit paid kiba la don ha ka Ri India, lada ki briew ki poi tang ar lane lai lak kan long ka jingeh kaba briew ha ka liang ka bam ka dih, kumta ka kyntu ia ki paidbah ban ia shnot kti lang ban dawa na ka sorkar pdeng ba kan pynduh noh ia ka CAA, 2019.”

Ka la ong ba dei ban dawa ban pyntrei kam ia ka Inner Line Permit ha kane ka jylla na ka bynta ban ia da ia ka jaidbyriew, lada yn don jingiada ka CAA,2019 kan da pynduh jaid. Ki seng bhalang shynrang ki la ialeh ban dawa ia ka ILP, lada ym lah ban iada ka pateng ban weng kan sa kylli aiu.Ka sorkar pdeng lada ka kwah ban pyntrei kam ia ka CAA, 2019 pynlait ia ka North East rah ia ki sha kiwei ki bynta jong ka jong Ri India, lada ka sorkar pdeng ka dang khein ia ki rit paid jong ka North East ka dei ban sngap ia ka jingdawa jong ki paidbah kane ka thain shatei lam mih ngi jong ka Ri India.

Kiwei kiba la kren ha kane ka jingialang ki long ka kong, ka kong Kilin Sohshang, ka kong Philistita Majaw, ia ka jingialang la sdang da ka jingduwai na ka kong Kilin Sohsang bad la pynwai ruh da ka jingialang da ka jingduwai na ka kong Baiamon Nongbet ia ka jingialang la pyniaid da ka kong Agens Sohnoh.