Guwahati: Ki don 14 ngut ki briew kiba kyrshan ia ki ehrang Taliban, kiba shah kem mynta ka sngi ha Assam bad kitei ki kynthup ia U Maulana Fazul Karim, General Secretary, ka All India United Democratic Front (AIUDF), ula shah kem ha ki pulit ka Assam, mynta ka sngi, na ka daw, ba u pynmih jingthoh ha ki social media, ban kyrshan ia ka jing kurup bor ki ehrang Taliban ha Afghanistan.
U Maulana Fazul Karim, u dei ruh U Secretary ka Jamiat Ulema-i-Hind’s Assam, kaba la ialam hi da U Maulana Badruddin Ajmal, uba dei U President jong ka AIUDF.
Ki pulit ki la kem ia 14ngut kiwei pat na ki bynta bapher jong ka jylla Assam, namar ki jingthoh ba ki kyrshan ia ki ehrang Taliban bad kitei kiba shah kem, ki long U Maulana Fazul Karim (49) na Darrang, Abu Bakkar Sidique (55) bad U Saidul Hoque (29) na Kamrup (Rural), Jawed Mazumder na Cachar, U Mozidul Islam (25), bad U Faruk Hussain Khan (32) na Barpeta, U Saiyad Ahmed (27) bad U Arman Hussain (25) na Dhubri, U Nadim Akhtar (23) na Hailakandi, U Khandakar Nur Alom na South Salmara, U Maulana Yaseen Khan (26) na Goalpara, U Maulana Basiruddin Laskar (65) na Hojai bad U Mujib Uddin bad U Mortuza Hussain Khan na Karimganj.
Kitei kiba shah kem, ki dei ki samla pule kiba na Tezpur Medical College, Maulanas bad ki nonghikai bad ki don ruh ki nongthoh khubor.
Phi don ban ong eiei?