Shillong: U President jong ka seng nongrep kaba la tip kum ka Hill Farmers Union (HFU),Central Body kaba dei ka seng nongrep kaba khlain bha ha ka jylla, U Bah Commander Shangpliang mynta ka sngi u la ioh ban pynskem ia ki nongkitkam jong ki 8 tylli ki Unit bad kumjuh ruh ia ki nongkitkam jong ka Mawsynram Block.
Haba kren ha kane ka jingialang u bah Commander Shangpliang, u la ong ba ka thong ka seng ka long ym tang ban iakhun ban pynurlong ia ki jingdawa kiba ka seng ka la phah sha ka sorkar, hynrei ban hikai ruh ia ki nongrep ha ka liang kumno ban rep ia ki mar rep kiba thymmai katkum kane ka juk, ban thaw ia kiwei pat ki lad kamai lyngba bad khamtam ban pyrkhat na ka bynta ban pyniaid Iew ia ki mar ba la pynmih da ki nongrep.
U bah Shangpliang u la ong ba ka seng ka sngewkmen ba ka sorkar ka la pyntreikam ia ki mat jingdawa jong ka seng kynthup ha kaba wanrah ia ka Farmers Commission bad ban ithuh mar rep ia u sohmrit, sla tyrpad bad pyllait khajna ia u synsar, hynrei ka seng ban dang iakhun ruh ban pynurlong ia kiwei pat ki jingdawa kynthup ia ka jingdawa ba ka sorkar kan pynbna ia u snem 2020 kum u snem Nongrep ryngkat ka mang pisa kaba kyrpang ia ki nongrep lem bad kiwei kiwei de ki jingdawa kiba dei n aka bynta ka jingmyntoi jong ki nongrep.
Ha kane ka sngi la iadon lang ruh u Bah Alfonbirth Kharsyntiew General secretary ong ka sengkmie, u President jong ka HFU Nongspung circle u bah Lodestar Syiemlieh. Na ka liang jong u bah Alfond u la pyntip ba ka seng HFU mynta ka la dei ka seng kaba khlain ha kaba la ioh ruh ban thaw ia ki unit ha Garo Hill bad u la iathuh ba haduh mynta ki dkhto ka seng ki la poi kumba 47 hajar ngut bad shen ka seng kan sa kynjoh sha ka jingdondkhot ka ban long kumba shilak (1 lak) ngut. Ka thong hi ka long ban iatylli kum ki nongrep ba ban iakhun ia iba bun ki bor kiba thmu ban khnot bein ia ki nongrep la ka long bad ka sorkar bad kumjuh ruh bad ki nongkhaii kiba ban bein ia ki nongrep. Na ka liang jong u bah Lodestar u la ong ba ki nongrep ki la dei ban ai burom ia ki nongialam jong ka HFU central body kynthup u bah Commander Shangpliang bad u bah Alfondbirth kiba la iathuh ia ki ishu n aka bynta ki nongrep khamtam ban pyngeit i aka sorkar ba kan ithuh mar rep ia u sohmrit, sla tyrpad bad ban pyllait khajna ia u synsar.
Ki nongkitkam jong ki unit ka HFU kiba la pynskhem mynta ka sngi ki kynthup ia ka Unit na ka shnong Umtyllun ha kaba la jied President ia u Laitphar Kharbhih bad General Secretary ia u bah Leversing Kharbhih. Pyndengsohsaw President – Mr Borbingstar Kharwar General Secy -Risingstar Sohmatk, Phlangwanbroi President- Mr Slipshon Dkhar General Secy – Miss Phinriskhem pdahkasiej, Kenbah Malai President-Mr Khelor Wahlang, General S ecy – Morningstar Iawrod, Mawlangbna President- Assingroy Disiar General Secy – Long Kynter, Jyllep President-Tlanding K Dewsaw, General Secy -Shri Splitly Larting, Mawkaphan President- Giborsing Kynter, General Secy – Pyrkharlang Dewsaw, Mawtepiew President-Bording Dkhar, General Secy -Starwin Ramsiej. Nalor ki president Secretary la jied ruh ia ki Executive member jong baroh kitei ki Unit. Ha kane ka juh ka sngi la jied ruh ia ki nongkitkam jong ka Mawsynram Block kynthup ia u bah O Pdahkasiej kum u President, Vice president -Mr Arsing Roy Dishiar, General Secretary-general Tross Pde, Asst. Secy- Morningstar Iawrod bad treasurer ia u bah Meletstar Thongni.Ha kane ka sngi la iadon lang ruh u sirdar jong ka Hima Mawdon.
Phi don ban ong eiei?