Kohima: Ka la mih ka sorkar ha Nagaland, kaba khlem don liang pyrshah shuh satia bad kaba la tip, ka United Democratic Alliance (UDA).
La shim ia katei ka rai, ha ka jingialang jong ki MLA bad ki seng sain pyrthei, kiba dei ki dkhot jong ka dorbar jylla jong ka Nagaland, kaba la pynlong mynta ka sngi ha Kohima.
Kitei ki MLA, ki dei na ki seng sain pyrthei, ba kynthup ia ka Nationalist Democratic Progressive Party (NDPP), BJP bad ka Naga People’s Front (NPF), ba kynthup ia 2ngut ki MLA shi met.
Hadien katei ka jingialang, la pynmih khubor, ba la soi da U Neiphiu Rio, myntri rangbah ka Nagaland, U Y Patton, symbud myntri rangbah, nangta U TR Zeliang, nongialam ka seng NPF, U Chingwang Konyak, president ka NDPP, Temjen Imna Along, President BJP nalor kiwei pat. Ka seng NDPP, ka don 20ngut ki MLA, BJP 12, NPF 25, 2 ngut ki MLA khlem seng, ha ka iing dorbar kaba 60ngut ki dkhot.
Phi don ban ong eiei?