Mih ka Seng RMDC ka thain Riwar Mihngi

Shillong 08, K’lyngkot:
Ban kyntiew ia ka roi ka par bad ka ioh ka kot jong ka thain Riwar Mihngi hi baroh, la thaw ia ka Riwar Mihngi Development Council (RMDC) ha u Naiwieng 2015.
La suit la shor  ia kane ka seng ka bym don kano kano ka jingiadei bad ka sain pyrthei, na ka bynta ban kyntiew ia ka rep ka riang, ka roi ka par, ka ioh ka kot bad ka bha ka miat jong ki paid ka thain Riwar.La pynskhem ruh ia shi rynjup ki nongkitkam kynthup President Bah SB Tariang, Vice President Bah PS Khongbeh, General- Secretary Bah Dmuising Khongjirem, Asst Genl Secretary Bah Anthony Dhar, Treasurer Bah Embok Khongliar bad u Adviser Bah Mangkashang Khongshei, Executive Member Bah Welbon Suting.
Ha kajuh ka por, ka seng ka da sngew kmen eh lada don ki paidbah ka thain kiban ai jingmut lem halor kino kino ki kam ban kyntiew ia ka thain khnang ba ka seng kan pyrshang ban leh katba lah ei.
Ka seng ka la ioh ruh ia ka jingithuh ne rejister na ka ophis jong u Deputy Commissioner ka East Khasi Hills, Shillong, la ong ka kyrwoh na u President Bah SB Tariang.