Shillong: Na ka bynta ban kyntiew ia ka jing ialehkai phutbol ha ka thain lam mihngi ka India, la thaw ia ka North East Football Association (NEFA) ha kane ka sngi Balang ka 5 tarik Rymphang 2020 ha nongbah Shillong hapoh ka jingialam u trai ka Shillong Lajong FC u bah Larsing Ming Sawyan kum u president.
Ki nongkitkam jong ka NEFA ki long President – Larsing Ming Sawyan, Megha laya, Vice Presidents – Menla Ethenpa, Sikkim, Hemendra Nath Brahma, Assam, Lalng hinglova Hmar, Mizoram, General Secretary – Kipa Ajay, Arunachal Pradesh, Treasurer – Amit Chowdhury, Tripura, katba ka Manipur bad Nagaland kin long kum u Joint Secretary.
Na ka liang u president ka NEFA u bah Larsing Ming u la ong ba ka dong mihngi ka India ka dei ka bynta ba kongsan ha ka phutbol ha India bad ka lad ban kyntiew ia kane ka jingialehkai haka ri. U la ong ba ki don ki jylla kiba la sdang kiew ha ka jingialehkai phutbol katba ki don kiba dang sahdien.
Ka dei ka jingkitkhlieh jong baroh ban pynthikna ban kyntiew ia ka jingialehkai phutbol ha ka thain bad ka ri.
“Ngin rah ia kane sha ka sorkar pdeng, ban iohi ba ngi la kiew ha ki kam phutbol. Ngi donkam ban pynsngew ia ka sur jong ngi bad ban iaid ryngkat”, la ong u bah Larsing mynta ka sngi.
Phi don ban ong eiei?