Mih ka kynhun nongtuh ki khynnah rit, shah kem 7ngut

Jowai, 25 Jylliew:
Hadien ka jingthwet jur ki pulit ka West Jaintia Hills District Jowai, ia ki nongtuh nongkhyndang dukan ha ka nongbah Jowai, mynta ka sngi ki la ioh ban kem ia kumba 7 ngut ki khynnah kiba don kti barabor ha katei ka jaitkam.
Kitei kiba shah kem ki dei kiba don dang ha ka rta kaba hapoh ka14, 13, 12 bad 9 snem.
Ki pulit ki la ioh kem shwa ia ki lai ngut hynnin ka miet; hadien ba la lap ia ki da kawei ka longkmie katba ki dang khyndang ia kawei ka dukan die jingbam ha Ladthalaboh.
Lyngba kitei ki 3 ngut la ioh ban kem sa ia ki paralok jong ki sa 4 ngut.