Shillong: Ka kynhun ialehkai phutbol ka jylla Meghalaya ka la mih myn hynnin ka sngi ban leit iashim bynta ha ka jingialehkai Dr T Ao Trophy 2020 kaban long ha Nagaland.
Ka Meghalaya ka don ha ka kynhun ka Sikkim, Assam bad ka Mizoram ka Group B ha kane ka jingiakhun. Ka Group A ka kynthup ia ka trai jylla kaNagaland, Arunachal Pradesh, Manipur bad ka Tripura.Baroh ki jingialehkaiyn pynlong ha IG Stadium ha Kohima.
Ka kynhun ka Meghalaya ka don 20 ngut kynthup ki nongialehkai, ki nongpyniaid ha kaba ia ka kam kapten la bynshet ha u Brolington Warlarpih katba u Kenstar Kharshong kum u vice-captain. Ia kane ka kynhun yn ialam da u coach bah Khlain Pyrkhat Syiemlieh bad u manager bah M Warbah.
Ka Meghalaya kan iakhun nyngkong pyrshah ia ka Mizoram (21 tarik), bud ia ka Sikkim (23 tarik) bad Assam (25 tarik). Kiba poi shakhmat 2 tylli na kawei ka kynhun kin rung sha ka semi phainal.Ar tylli ki jingialehkai semi phainal kin long ha 27 tarik bad ia ka nam balai bad ka phainal yn pynlong ha ka 28 tarik.Haba kitbok ia ka kynhun myntri ka sngi, u treasurer ka Meghalaya Football Association (MFA) u bah Wanshanbor Kharkrang, lem bad u bah Hering Shangpliang bad bah Cliff Nongrum kila kitbok ia kine ki nongialehkai bad ka kynhun ba kan wanrah burom ia ka jylla.Ki nongialehkai ka Meghalaya ki long Brolington Warlarpih (C), Kenstar Kharshong (VC), Frolicson Dkhar, Siwel Rymbai, Kynsaibor Lhuid, Samuel Lyngdoh Kynshi, Atlanson Kharmaw, Aenam Jyrwa, Shano Tariang, Batifar Swer, Raikutshisha Buam, Nikelson Bina, Melvin Warjri, Dawanchwa Challam, Stephanson Pale, Justly Sungoh, Batskhem Tariang, Belton Lartang, Denelson Pyngrope, Kitboklang Pale. Nongpyniaid:Khlain Pyrkhat Syiemlieh (coach), M Warbah (manager), Dapmon Tariang (assistant coach), Lambok Lyngdoh (physio).
Phi don ban ong eiei?