Mih ka jing pyrshah ban lilam ia ka Air India

U Subramanian Swamy, MP jong ka seng BJP, u la kren pyrshah halor ka jingthmu jong ka sorkar BJP ban lilam noh ia ka Air India, lane ka tnat liengsuin ba pyniaid da ka sorkar India, da kaba ka mut ban lilam haduh 100 per cent jong baroh ka jing pyniaid ia ka tnat liengsuin Air India.

U Subramaniam Swamy, u la kynthoh ba un rah ia kane ka kam sha ka kashari bad u shim ba katei ka rai, ka long kaba pyrshah ia ka jingtreikam jong ka ain jong ka ri India.

Na ka liang jong U Kapil Sibal, nongialam ka Congress, haba kynthoh halor kane, ula ong “Ka sorkar India, kam don pisa bad ka jing ioh kamai ka hiar duna ia ka 5 percent bad ka pisa ka sah kut da ki million tyngka ban siew ia ka bai bylla sngi MNREGA bad mynta ki mut ban die noh ia ki mar ba kordor jong ka Ri”.

Katei ka jing tyrwa ban die lilam jong ka sorkar India, ia ka Air India, kan kut haduh ka 17tarik Lber 2020.