Mih ka jing iashoh bad ia lynthaw pliang ja, tang namar ba kam don ka jyntah kjat syiar, ha ka jaka iathoh

Ka jaka iathoh, ka dei ka jaka ban ia bam bang bam shngiam bad kiba leit sha ki jaka iathoh, ki don ia katei ka jingkhmih lynti, hynrei ha ka jingiathoh ha Bareilly, Uttar Pradesh, ka la poi sha ka jing iashoh ia dat bad ia lynthaw ia ki khiew ki siang, tang namar ba kam don ka jyntah kjat syiar, kaba ki nongleit bam iathoh, ki la khmih lynti bha.

Ka jingsdang jong katei ka jing iashoh ia dat, ka dei, haba ki nongleit iathoh, na ka liang u shynrang, ki la lap ba ha ka jingpynkhreh, kaba la bun bha ki jnit ki jnat, hynrei, ka jyntah kjat syiar, kam shym don satia, ong ka khubor, ba la pynmih ha ka India Today bad katei ka la pynlong ia kiba bun, ba kin pynran khmut, namar ba ki kwah bha, ha katei ka jingkhawai ban ioh mad da ka jyntah kjat syiar lane kaba ki ong chicken drum stick.

Katei ka jing thynrang kjat syiar ki nongleit bam iathoh, ka la pynkhie bitar ia kiba bun, haduh ba ki la sdang ban ia kura, ban ia lympat bad ki ia lynthaw ruh ia ki khiew ki pliang ja, nangta sa ki miej ki shuki, kiba don ha katei ka jaka ia bam bad la iathuh ba wat u nong iathoh ruh, ula khie bitar lem ban don bynta lem ha ka jing iashoh ia dat.

Kat haduh mynta, kam shym don satia kano kano ka jing ia kem briew, namar ba kam don ka ejahar sha ki pulit jong katei ka jaka.