Ka la don ka jing ia khih paidbah ha Iran hynnin ka miet, ha kaba la dawa ba U Ayatollah Seyed Ali Khamenei, u dei ban hiar shuki noh shi syndon bad katei ka dei halor ka jing mynjur jong ka sorkar Iran, ba ka la siat ia ka liengsuin Ukraine bad kaba la pyniap ei ia 176ngut ki briew.
Ki riew paidbah, kiba don da ki hajar ngut, ki la ia mih ha surok hynnin ka miet bad kitei ki la pyrta “down with the dictator” “ngi pynrem ia u nongsynshar thombor” bad “shame on IRGC [Revolutionary Guard], let the country go” “ka kam bieit jong ka IRGG, ai ia ka ri ba kan iaid shakhmat”.
Ka la don ruh ka jing ia pyrta paidbah ha Sharif University, ha kaba la ong “commander in chief, resign!” lane “heh duh shipai hiar shuki” ha kaba ki la rah ia ka dur jong U Qassem Soleimani, uba dei u heh jong ki shipai Guard’s Quds Force, uba la iap ha ka jingsiat nam ding ka US.
Ka liengsuin jong ka Ukraine, ka la hap ha ka step jong ka sngi hat majai bad ka Iran, ka kam ba katei ka jingsiat ia katei ka liengsuin, ka dei ka jingsiat bakla jongki, namar ka jingialeh thma bad ka America.
U President ka Iran, U Hassan Rouhani, u kam ba ki shipai jong katei ka ri, ki la siat pynhap ia katei ka liengsuin, da kaba ki kum mutdur ba katei ka liengsuin jong ka America.
Phi don ban ong eiei?