Mih ka jing ia pyneh ki briew ka KHADC bad U Paul Leong, haba leit khynra laisen

Shillong:Katba ki bor jong Khasi Hills Autonomous District Council (KHADC) ki dang pynlong ia ka jingkhynra ia ki dukan bar jylla ki bym don Trading license ha ki thaiñ iewduh bad Iew Mawlong, la mih uwei u briew uba la tip kyrteng kum u Paul Leong, uba dei ruh u trai jong kawei ka jingtei, kaba la tip kyrteng kum ka Kimly Building ban pyrshah ia kane ka jing khynra, ha kaba u la iathuh ruh ba kane ka dukan ka dang sah hapoh ïingkashari, namar ym pat tip satia; la kane ka dukan ka hap ha jaka jong ka Municipal ne ka KHADC.

Na ka liang jong u Paul Leong, un sa leit kynduh ia u khliehduh jong ka konsil haba iadei bad kane ka mat lashai ka sngi.

Lah ban pynkynmaw, ba kham mynshwa, ha ka 26tarik Naitung 2014, ki don 5ngut ki pulit jong ka Khasi District Council, kiba la shah shoh, ha ka jingleit khynra laisen jongki, ha katei kajuh ka jaka. Ha katei ka jingjia U Leong ruh, ula shah kem bad u khun jongu, U Kimfa Marbaniang.