Shillong 6 Naitung: Ki pulit Enforcement lyngba ka tnad DTO ha ka step jong ka 6 tarik u Naitung 2024, ki la pynlong ka jingtalasi ia ki thuk thuk arshaka ki ba kamai Rapido, halor ka jingbym don ia ki kot ki sla ki ba biang lane ban pynshisha ba kidei ki ba kamai Rapido.
Ka jingleit ban talasi ki pulit ka DTO mynta ka step kadei hadien ba ki la ioh ka jingujor na ki ba bun ki paidbah , ba ki nongkamai rapido ki dei ki ba shu kamai beaiñ khlem da pynbiang ki kot ki sla bad khlem don ia ka permit ka ba biang.
Ia kane ka jingtalasi nakaliang ka tnad enforcement ka DTO ka la pynlong ha kylleng ka Nongbah Shillong ki ba kynhup ha beathouse, Dhanketi bad Fire Brigade bad ha kane ka jingtalasi ki la bat ia bun tylli ki scooty ki ba kamai Rapido khlem biang ki kot ki sla.
La sakhi ruh, ba hapdeng ka ne ka jingtalasi ka la mih ka jingpyni nia jong uwei u rangbah pyrshah ia ki pulit ka DTO,ban kyrshan ia ki ba kamai Rapido bad u tei u rangbah u la kren ruh da ki ktien sieh tiensang hayngkat ka byrngem ia ki pulit ka DTO, ba kidei ban pynphai noh ia ki shabi ba la knieh na ki nongniah arshaka.
Phi don ban ong eiei?