Shillong: Ka kynhun ïalehkai ka H. Elias Higher Secondary School, ka la mih na la ïing ban leit sha Delhi kum shi bynta ban mihkhmat ïa ka jylla sha ka lympung ïalehkai jong ka U-17 Subroto Cup Football ki khynnah shynrang.
Ka H. Elias HSS ka la mih ban aireng sha kane ka lympung hadien ba ka la rah ïa ka nam lahduh ha ka jingïakhun jong ka State Level ba la long mynta ka snem bad ha kane ka kynti ba mynta, la pynïakap ïa ka ha ka Pool-E ba don lang ki jylla ïalehkai kum ka Assam, Chandigarh, Chattisgarh bad sa kawei pat ka kynhun yn dang pyntip pat ïa ka kham hadien.
Ia kane ka kynhun la ïalam ïa ka da u bah Bobby. L. Nongbet kum u coach bad u bah B. Lyngdoh kum Manager.
Ka jingïalehkai ba nyngong ka H. Elias kan long pyrshah ïa ka Assam kaban long ha ka 8 tarik mynta ka taiew.
Shwa ba kane ka kynhun kan mih na la ïing, la ïoh ïa ka kitbok ka kit rwiang bad ka kyrkhu kyrdoh na u Princiapl ka skul u Father Sebastian Pallaty.