Mih da U BM Khasi ha UBI, ba byrngem ka FKJGP Mawlai

Shillong, 5 Nailar:
Ka jingbyrngem ka FKJGP Mawlai Circle ban wanrah Branch Manager da U Khasi ha United Bank of India ha Mawlai Branch, ka la urlong bad ka bank ka la wanrah shisha da ka Khasi ka Kong Jacquiline Nong khlaw kum ka BM ba thymmai ka UBI, Mawlai.
U Bah Khrawkupar Nongsiej uba bat kum u Chief Organising ka FKJGP Mawlai Circle u la ong ba ka seng kmen ia kane ka jingsngap ka bank ia ka jingdawa ka seng bad kyrmen ba ka BM thymmai kan ai ia ka jingiatreilang bad ki paidbah. Dang shen ha kane ka sngi Thohdieng, ka FKJGP Mawlai hapoh ka jingialam u President Bah Marbud Dkhar ryngkat lem ki dkhot ki la dawa na u Sudip Das u Chief Manager ka UBI ba dei ban wanrah da u Branch Manager jong ka UBI ha Mawlai Branch hadien ba la thmu ban wanrah da u bar jylla.
Na ka liang ka Seng ka sngew ban ai khublei ia ka UBI ba ka la burom ia ka jingdawa jong ka Seng bad ka Seng ka ai khublei ruh ia ka Kong Jacquiline Nongkhlaw iba wan ban long kum ka Branch Manager bathymmai hapoh katei ka bank.