Mih bun bha ki nongleh sbun, nongleh kam isynei

Albert Maring

Tang shu poi ka por election, ki mih bun bha kita ki nong leh bha leh sbun ban leh kam isynei, ki nong Samaria ba bha ban iarap ia ki paidbah ha ki bun rukom, ka jing mih jong kita ki nong leh bha leh sbun nongsammaria ba bha, ki candidates heh spah ne businessman ka dei tang ha ka por election kiba sngew khia na ka bynta ki paidbah, phewse ka dei ka tang ka buit ban jop election ban pynbiej ia ki paidbah ha ki bun rukom khamtam kiba duk kiba duna ka jing nang jing tip la shu pyn thame lai phew jait tang ban jop election.

Ha ka por election katba pan ki ai beit tang shu phun ruh ki la ai , ym tang katta haba don ba iap briew, haba don jing iaseng ne jingkhawai la ia knieh ban ai jing iarap bad kumta ter ter. Ki candidates heh spah businessmen ki long nongsammaria ba bha tang ha ka por election , tang shu kut election ym don eiei shuh kita ki nong leh bha leh sbun nongsammaria ba bha ruh kim don shuh kaba sah ia ki paidbah tang ka lynga ka pisa bad ki jing khuslai ba ym don shuh ba iarap kane ka shait jia tang ha ka por election ha ki wei ki wei ki por ym don. Ha ka por election ki ai lut katba kwah katba pan baroh ki kular ban leh bha ki kren ia ka roi ka par. Hynrei kum ki paidbah ngi dei ban sngew thuh ba ngi don kam ia ki riew pyrkhat, kiba don ka jing nang jing tip bad shemphang, kiba don ka sur ban kren ban iasaid hapoh assembly na ka bynta ki jing eh jong ki paidbah, ngi donkam ban jied ia ki candidates kiba lah ban long kum ki nongialam, namar ban ialam kat ka synshar paid bah kam dei ka kam kai donkam ban jied ia ki briew kiba don ka jing shemphang kiba iar ka jing mut jing pyrkhat kumno ban ialam ia ki paidbah kumno ban saindur na ka bynta ka lawei ka imlang ka sahlang bad ka jaitbynriew.