Mih ar dor ka lyer shet ha Mairang

Shillong, 18 Naiwieng:
Ki paidbah nong pyndonkam tyndong buiam shet ha Mairang, West Khasi Hills ki la lyngngoh ban lap ba ka dor jong ka tyndong shet buiam ka iapher na kawei ka dukan sha kawei pat.
Haba iakren bad uwei u rangbah ba pyndonkam lyer shet, u la  ong ba lyngngoh ba ka dor ka lyer shet ne tyndong buiam u iapher na kawei ka dukan sha kawei tang ha sor Mairang ruh bad kane ka la pynsah umdum ia ki paidbah nongpyndonkam. “Ka dor buiam shet na u nongkhaii ka Ailang Agency Gas haduh mynta u die T. 690 kawei ka tyndong shet katba na ka Frontier Indane Gramine Vitrak Agency Gas, ka dor ka long T. 610 kawei ka tyndong shet”, la ong une u rangbah bym kwah pynpaw kyrteng.
Ka jingiapher ka dor ka la buh ia ki paidbah ba pyndonkam lyer shet ha ka jingsngew lyngngoh bad ki la ong ba ka ophis jong u SDO (Civil) Mairang u dei ban peit ia kane khnang ba ki paidbah kin nym sah ha ka lyngngoh bad umdum.