Nongpoh: Myn hynnin ka sngi ha kaba sdang ka lympung ialehkai phutbol ki khynnah skul ha Ri Bhoi bad kaba la tip kum ka District Level Inter School Football Tournament (Subroto Mukherjee Cup), ki la don kumba 26 tylli ki skul na kylleng jaka ha Ri Bhoi kiba la wan ban iashimbynta bad na kitei ki skul, la mih 46 tylli ki kynhun kiba la iakhun ha ka kyrdan U-17 ha ki shynrang kynthei bad U-14 ha ki shynrang.
Kaba sdang jong katei ka jingiakhun, kaba la long mynta ka sngi, la pynlong ha ki ar jaka, kata na bynta ki khynnah kynthei kiba hapoh 17 snem, kaba la pynlong ha Madan ialehkai ha Umdihar bad ha ki khynnah shynrang kiba hapoh 14 snem, la pynlong ha madan Umbuda.
Ka jingiakhun hapdeng ki kynthei, ka la long hapdeng ka Saiden HSS pyrshah ia ka Borkhatsari Pressbteryian SS, ha kaba ki thei ialehkai ka Saiden HSS ki la lah ban pynliem noh ia ka Borkhatsari Pressbteryian SS da 8-0. Katba ha ka jingialehkai ki khynnai hapoh 14 snem ha Madan Umbuda, ka Christian HSS Nongpoh, ki la lah ban pynliem noh ia ka Ri- Bhoi Presbyterian HSS da 4-0.
Phi don ban ong eiei?