Shillong:Ka jingialehkai Semi Final kaba ar jong ka 4th Mawryngkneng Invitation Football Tournament 2018 kan long mynta ka sngi ka 6 tarik ha ka por 2:30 janmiet hapdeng ka Mawryngkneng CSC pyrshah ia ka Nongdawah SC .
La khmih lynti ba ka jingialehkai kan long kaba itynnad bad shong shit ha baroh artylli ki kynhun kidei na shnong Mawryngkneng ka Mawryngkneng CSC kadei ka kynhun jong ka shnong Mawryngkneng pyllung katba ka Nongdawah SC pat kadei ka club dong napoh ka dong jong ka shnong Mawryngkneng na Nongdawah.
Baroh ar kynhun kidon ki player kiba tbit bad kiba pawnam hapoh Ri Khasi kiban wan iuhkhat ha kane ka sngi.
Na ka liang ka MCSC ka pyntip paidbah ba ka bairung peitkai kan long tang 40 tyngka marwei .
Ha kane ka juh ka sngi ha shwa katei ka jingialehlai kan don ruh ka Semi Final jong ka Mawryngkneng Knockout Football Tournament hapdeng ka Iewrim SC pyrshah ia ka Iaiminot SC na Mawryngkneng ha ka por 12 baje mynsngi.