MGNREGA:Siew bai nong noh, ia kito kiba la dep ioh work order 

Shillong:U Symbud myntri rangbah ka jylla, u Bah Prestone Tynsong ha ba ia kren bad ki lad pathai khubor  u la pynshai ba ka pisa bai trei na ka bynta ki briew kiba bylla lyngba ka  Job Card ka ba la tip kum ka bylla shispah sngi ne ka Mahatma Gandhi National Rural Employment Guarantee Act (MGNREGA), ki dei ban siew lut ia kito kiba la dep ban ai work order, wat lada ka jingtrei ka la dep ne kam pat sdang ruh.

Kane ka jingpynshai jong u bah Prestone Tynsong, ka long  halor ka jingkylli ba ia  jingsiew ia ka bai bylla ka long tang ia kito ki jingtrei kiba la dep bad sdang trei. U myntri u la pynshai ba ka jingsiew kaba ka sorkar ka la siew ia ka bai trei kan long ia kito kiba la dep ai work order wat la ki la dep trei ne kim sdang ruh, ka bai trei ki dei ban siew noh.