|
(By: Dayoomonmi Bareh)
Shiliangmyntang WJHD
|
|
1. Rymphai pha noh ha ranab lum,
Ko Kshaid ba kup dur itynnad;
Ryngkat u sñiuh ba noh rymphum,
Ba pynshohbiej ïa la ki khmat.
2. Miet la bad step pham ju shongthait,
Ban pynsawa ki sur bathiang;
Mynsiem ba swai bad ba sngew-lwait,
Pha iai kdup ieit ko MEI MARIANG.
3. Hangno ngan shem ha ka pyrthei?
Kum Ri Khasi tip briew tip Blei:
Ki jingkyrkhu ha pha ki hap,
La kum ka dud bad kum ka ngap!.
4. U Blei u la Kyrkhu kyrpang,
Kum ïa ka Ksiar U la pynphrang;
Jingthaw jong U kiba kordor,
Ki im ki iaid ha la ki por.
|