Meh ding ka Sohjarang, na ka FKJGP

Shillong, 7 Nailar:
Ka shnong Soh jarang kaba don ha ka Mairang constituency ka la ioh jingshai bording biang ha kine ki sngi lyngba ka jingtuklar ka FKJGP.
Ha ka kyrwoh ba la pynlait, ka FKJGP ka la ong ba u director ka MeCEL (Distribution) ula kular ha khmat ki nongia lam ka seng ba iakynduh dang shen. Utei u ophisar u la kyrpad ia ka seng ba kan ai por ia u lem bad ia ka ophis jong u ha kaba iadei bad ka jingdawa hadien shi taiew ba ka Sohjarang ka la ioh biang ia ka Bording.
Ka seng FKJGP hapoh ka jingialam u Bah Marbud Dkhar u Chief Organiser ka la iakynduh ia u ha ka 31 tarik Naitung.
Ka FKJGP Sengkmie, Mairang Circle, bad Sohjarang Unit bad kumjuh ruh ki paidbah jong katei ka shnong ki sngewnguh ia ka MeECL Lumjingshai Shillong bad ruh kumjuh ia u Bah Pher Lyngdoh u Director ka Distribution ba ka shnong Sohjarang ka la ioh biang ia ka bording mynta hadien ba ka jingduh noh ka bording ka la jan kot sha ka lai bnai.
Ka seng ka la ong ba u Director ka MeECL ba dei na ka Distribution u Bah Pher Lyngdoh u la kular hakhmat ki nongialam ka FKJGP ba un pynioh bording ia ka shnong Sohjarang kaba don ha ka Mairang constituency ka West Khasi Hills bad kane ka la urlong shisha.