MCA U-19 Boys IDCT: Mynta iakhun ka EKH, NGH pyrshah ia ka WJH, Tura

Shillong:Ka Tura District Cricket Association, ka la pynliem ia ka South Garo Hills DCA da 18 run hadien ba la sangeh noh ia ka jinglehkai na ka daw ka jinghap slap ha ka lympung Meghalaya Cricket Association’s U-19 Boys Inter District Cricket Tournament.

Kawei pat ka jing ialeh kaba la pynbeit ban ialeh hapdeng ka Ri Bhoi DCA bad ka East Jaintia Hills DCA la hap ban pynsangeh noh na ka daw ka jinghap u slap.

Ka Tura kaba la jop ia ka toss, ka la tied 107/9 ha ki 35.1 over. U Salchang Sangma and Silgar M Sangma ki la ioh ban shim wicket mar 3/22 katba u Ayush M Sangma u ioh 2/11. Ki san ngut ki nongtied kiba ha shuwa jong ka Tura ki la khyllem lut ha ka jingkamai kaba tang hapoh ka 10 run. Hynrei tang u Shahin Alone (21 run) bad u Darnell Sangma (11 run) ki la lah ban iakamai 43 run na ka bynta u wicket uba hynriew.

Hadien katei, da ka jingioh 15 run na u Agat chu Chetai K Marak, ka Tura ka la lah ban kot ia ka jingkamai jong ka sha ka 100 run.
Ha ka kylla miet, ki nongkawang bol ba nygkong jong ka Tura kata u Denikcheng Marak (2/18) bad u Fernando Barbaryo M Sangma (2/12) ki la lah ban pynkhyn win ia ki nongtied ka liang pyrshah ha kaba ki la lah ban pynsuki noh ia ka rukom kamai jong ka SGH da 42/5 ha ki 13 over ha shuwa ba ka suin bneng kan pynkhreh ia u slap. Na katei ka daw, ka jingialeh hi baroh kawei la khein noh katkum ka DLS Method ha kaba ka SGH ka dang dei ban poi 59 ha kitei ki over bad kumta la rai ia ka jingjop sha ka Tura da 16 run.

Ka jingialehkai na ka zone 1 Group A ha Umbuda Nongpoh, ka Ri Bhoi ka la sdang ia ka jinglehkai da kaba tied shit rhem bha da 6.57 run per over bad ka la kamai 184/8 ha ki 28 over. Tang ha dien kane, da ka jingther noh u slap ha hap ban pyn sangeh noh ia ka jinglehkai.
Baroh ki nongtied ka Ri Bhoi ki la tied bha ba kynthup ia u Banialam Mylliemngap da 34 run bad dang iaineh na ki 18 bol kaba kynthup ia saw tylli ki 4 bad ar tylli ki 6, katba u Dev Rai bad u Jeffre Chyrmang ki dei kiba la kawang bol bha da 3/29 bad 3/34 na ka bynta ka EJH.

Mynta ka sngi na ka zone 1 Group B, ka East Khasi Hills Cricket Association kan iakhun ia ka West Jaintia Hills DCA. Katba na ka zone 2 ka North Garo Hills DCA kan iakhun ia ka Tura.