|
Dayoomonmi Bareh,
Shiliangmyntang WJH
Mariang jar jar pha la kynjah,
Jingthaw baroh ki la iohthiah;
Mynsiem hangne Marwei ka rhem,
Haba li Duitara nga tem.
Hangne ha ba nga shong marwei,
Mynsiem ka lung ka sngew palei;
Ban sngap jing-ud ki ‘sai muka,
Ha sur myllung ka Duitara.
Kumne marwei jingsngew kynjai,
Ki jah baroh ki jing khuslai;
Ha miet kynjah bad ba shai bnai,
Ha Duitara bad sur jingrwai.
Ha la i trep ba rhem i mei,
Mynsiem ka suk ka dap ka shlei;
Jingsuk jingkmen ki paw shynna,
Ryngkat bad la i mei ipa.
|