Mareh thep vote ha Tura

Shillong, 30 Lber:
Ka jingmareh Run to Vote marathon, ba la pynlong da u Deputy Commissioner (Election) ryngkat ka District Sports Office na madan Chandmary ha Tura ha kane ka sngi Saitjain. Ia kane ka jingmareh ban vote la pynlong da ka West Garo Hills District Administration ha ka SVEEP II plan kum shi bynta ban pynphriang ia ka khubor ban pynrung kyrteng kum ki nongthep vote bad ban ialap paidbah ia ka jingdonkam ban iashim bynta ha ka jingiajied ia ki nongmihkhmat paidbah ha ka synshar paidbah.
Kiba iashim bynta ki kynthup naduh ki khynnah, rangbah bad ki samla ruh, bad ka khusnam ka long T.10,000/-, T.7,000/- bad T.5000/-. Ka khusnam pyntngen ka long T.1,000/- na ka bynta shiphew ngut.