|
Ma editor,
Ki nongleit nongwan ne nongshong kali kiba ju pyndonkam ia ka surok Umshyrpi-Hynniew mer ki ju ia kynduh jingeh barabor bad kane ka la buh ia kiba bun ha ka hiran khait.Kham bunsien ngi ju Shem ba ki kali na Mairang sha Umdiengpun ki iaid 45 minit,sngew lehrain pat de haba iaryngkat shong kali bad ki bar jylla ne ki bar-ri ba tang na 5 mer sha Umshyrpi ki kali ki hap ban iaid 45 minit ne tam.Kane ka surok Umdiengpun-Umshyrpi kaba long u budlum ki nongrep ka kylla u shiah-lum ki nongrep namar ki nongrep ha ka jaka ba kin poi kloi sha iew ki sah kut ne shah shong noh ha ka traffic congestion bad traffic jam (blok),bad Kane ka ju wanrah ia ka jingduhnong bad jingbynniaw jong ki nongrep namar tang ha surok la dep shah tuh lypa ia ka por bad ka jingthmu jong ki ban pyndep ia ki kam ki jam kumba la thmu naduh na iing ki pulom noh bad kane ka wanrah ia ka jinglut ksan namar ki kam ba thmu ban pyndep shi sngi hap phai kylla ar wat.
Baroh baroh, ha ka por elekshon ngi ia kren ban rat ia ka bam sap ,ngi klet patde ba ka jingtuh ia ka por kiwei ka dei ka bam sap basniew tam.Ki kali sairen te kim ju pyrwa, wew!! ki ia her mon pahuh hai hai la kum ki Suid-Tynjang;ki kali-paidbah ba pli te hap shu ia peit jawdud namar ym ioh iaid lem kum maki hynrei hap iapar lydui kum u python tymmen u bym lah shuh ban par sted.
Ki khynnah skul, bun sien ki shu ia khni iam namar ba duh klas.Sngew synei ia ki bapli hynrei sa lano mo kane ka surok tymmen kan I khynraw noh.Hato kine rang-kynih kiba dang ia pyrkhun mynta ban kop ha khmat u paidbah kin kloi mo ban leh ei ei noh na bynta kane ka surok tymmen.Uwei te (bah Pala) u la pynkhynraw ia ka surok tymmen na Umdiengpun sha Mairang-Nongstoin-Riangdo-Rongjeng ter ter .
Ki nongpang kiba leit shim dawai na ki hospital bapher bapher ha Shillong ki ju shah kyrkok ha une u surok tymmen.Une u surok tymmen u ju pasiaw ia Kita ki nongpang da kaba ong,” Wat ia iam,wat ia ud than phi nongpang;hynrei shu ia khni shu ia shri kein namar haba blok kali te mo!!”.
Ko ki kandidiet MP ka Shillong constituency,lada phi jop ! ka kam pynroi pyniar,ka kam pynphuh pynphieng (ym dei shuh phi da ka roi ka par; ni la thait ban ia par shi ia par ha une u surok ) na bynta ki paidbah ka Pynursla-Sohra-Shella-Mawsynram-Ranikor-Mawkyrwat-Mawphlang-Sohiong-Mairang-Mawthadraishan-Nongstoin-Rambrai bad Riangdo te ngi da sngew donkam eh ba phin leh ia ine I Surok Umshyrpi-Umdiengpun (O, ym dei kein leh ha surok,tang ban shu ia jurip) hynrei leh ei ei na bynta ka surok kein.Kata kein kaba ngi da kwah eh. Phi pat phim kwah seh?To kwah lem kumba kwah ma ngi ko ki kandidiet MP ka Shillong bad phin sa ioh beit, ka jingioh ka ban pynhun jrut ia phi,kata ka dei ka jingiaroh na ki paidbah jong ki tei ki MLA constituency ba la kdew haneng.
|
Phi don ban ong eiei?