Maramot tang dep ia ka surok Rymbai

Khliehriat,
6 Rymphang:
Ka seng Bataw Border Welfare Association jong thain Southern Border Areas, kaba kynthup iaki shnong naduh Umsa tai, Lad-wahwa pung, Deinsatlang, Pynurkba, Bataw, Umlyngsha, Umlatdoh, Lad-lakadong ummat,ummat,lama,Borkhat,kwator,natbor bad kiwei de ki shnong ba marjan jong ka thain,east jaintia hill district,ka la kynnoh ba ka tnad PWD Road ka la shu maramot tang dep ia ka surok Rymbai Bataw Borkhat Jhalalpur(RBBJ) kaba ka dang shu dep maramot ha kine ki khyndiat sngi ba la dep ka seng ka la kynnoh ba katei ka jingmaramot ka long kaba tang dep ha kaba tang shitaiew artaiew ym pat dap ka surok ka la jot bad sniew biang.
Ka BBWA ka la pynpaw ia ka jingbitar halor kane ka jingleh tang shu dep ka tnad P.W.D ban maramot ia katei ka surok, ka la kyntu jur ia ka tnad P.W.D ban maramot biang ia ka surok(RBBJ) ha kito ki jaka ba la jot bad khamtam sha kito ki jaka kiba don ka jingtwa khyndew (KWARI&AMSLUA) hajan shong Borkhat bad ha ka juh ka por “Ngi dawa ban pynshna iaki jaka ba twa khyndew(Surok) namar ki paidbah ki kynduh jingeh ha ka leit ka wan jong ki”, la ong Asst secy ka seng samla u N.Biam.Ka seng ka la pynkynmaw ruh ba ka FKJGP Bataw Unit ka la dep kyrpad ia ka tnad P.W.D na kabynta ban maramot biang ia kane ka surok ha ka jingkyrpad kaba ka la phah ha ka 25 tarik u kyllalyngkot , ong ka kyrwoh na u na u President jong ka seng samla H.Tariang.