Maramot ki dkhot FKJGP ia ka jingkieng iaid kali sha Maweit

Shillong:Ka jingkieng iaid kali ban leit sha Maweit, kaba hap ha shnong Wahlyngdoh, ka la jot rathai bad ka la buh jingma ia ka leit ka wan ki kali sha katei ka thain.

Namar ba ka tnat PWD, kam shym la leh eiei, kumta ka seng FKJGP lem bad ki nongshong shnong, ki la maramot hi ha ki khyndiat sngi ba ladep, da kaba shu pom da ki dieng tylli na khlaw ba kin iaid ki kali.
Na ka liang ka seng, ka la leit ban ia kynduh ia ki bor jong ka PWD, ba kin maramot ia katei ka jingkieng, hynrei ki la ai daw, ba kim lah ban maramot, namar ba kim ioh ia ki dieng kiba hap ban maramot ia katei ka jingkieng, ong ka khubor mynta ka sngi.